TV LIVE Radio
Nga Vendi
21 November 2026
“FLAMURI NA BASHKON”, BDI NË KËRÇOVË NDAU FLAMUJ KOMBËTAR PËR BASHKËSITË LOKALE

Nën moton “Flamuri na Bashkon”, Dega e Bashkimit Demokratik për Integrim në Kërçovë, nga Kompleksi Memorial “Nëna Shqiptare” në Zajaz, organizoi ndarjen e flamujve kombëtarë për bashkësitë lokale të Kërçovës, në prag të festave të Nëntorit dhe Ditës së Flamurit Kombëtar. Në këtë aktivitet ishte i pranishëm edhe kryetari i BDI-së, Ali Ahmeti.
Të pranishmit fillimisht i përshëndeti kryetari i Degës së BDI-së në Kërçovë, Arlind Sejdini, i cili, krahas urimeve për festat e Nëntorit, theksoi rëndësinë e këtyre datave historike për identitetin dhe kujtesën kombëtare shqiptare.

Ndërkaq, lideri i BDI-së, Ali Ahmeti, duke rikujtuar ngjarjet dhe figurat historike që shënuan rrugëtimin kombëtar, përcolli edhe mesazhe politike lidhur me zhvillimet dhe situatën aktuale.

Aktiviteti u përmbyll në mënyrë simbolike me ngritjen e flamurit kombëtar në shtizën e Kompleksit Memorial “Nëna Shqiptare” në Zajaz, në shenjë të respektit dhe krenarisë për simbolin kombëtar shqiptar.



Të ndryshme
Më shumë

Radio Uskana - LIVE