Një person 31-vjeçar është privuar nga liria në Koçan, pasi policia gjatë një bastisjeje në shtëpinë e tij ka gjetur dhe sekuestruar 197 lloje të ndryshme parfumesh të markave të njohura, si dhe produkte kozmetike e artikuj të tjerë pa dokumentacion përkatës.
Sipas njoftimit të policisë, ngjarja ka ndodhur më 18 nëntor 2026, rreth orës 17:25, kur nëpunësit policorë të NJPB-së në Koçan kanë privuar nga liria A.D. (31), nga i njëjti qytet.
Bastisja është realizuar me urdhër gjykate, ndërsa gjatë kontrollit në shtëpinë e të dyshuarit janë zbuluar dhe sekuestruar gjithsej 197 lloje parfumesh, produkte të ndryshme kozmetike dhe artikuj të tjerë, për të cilët ai nuk ka poseduar asnjë dokumentacion.
I dyshuari dyshohet për kryerjen e veprës penale „Shkelje e të drejtave të pronësisë industriale dhe përdorim i paautorizuar i firmës së huaj“, e paraparë në nenin 285 të Kodit Penal.
Për rastin është njoftuar prokurori publik, ndërsa policia bën të ditur se pas dokumentimit të plotë të ngjarjes do të vijojë kallëzimi përkatës.