TV LIVE Radio
Nga Bota
17 November 2026
Përplasen dy trena në Pragë, raportohet për dhjetëra të plagosur

Një aksident i rëndë hekurudhor është regjistruar mëngjesin e sotëm në Pragë, ku dy trena janë përplasur në një urë hekurudhore pranë stacionit kryesor të qytetit. Raportimet e para flasin për dhjetëra persona të plagosur.

Sipas policisë lokale, përplasja ndodhi rreth orës 07:00, në urën hekurudhore që kalon mbi rrugën Seifertova, në afërsi të stacionit kryesor të trenave në kryeqytetin çek.

Menjëherë pas aksidentit, në vendngjarje janë mobilizuar forcat e policisë, ekipet mjekësore dhe shërbimet e tjera të emergjencës, të cilat po zhvillojnë një operacion për t’u ardhur në ndihmë të plagosurve.

Deri në këto momente, nuk ka një bilanc zyrtar për numrin e saktë të personave të lënduar. Gjithashtu, autoritetet nuk kanë bërë ende të ditur shkaqet që çuan në përplasjen e dy trenave.

Policia dhe shërbimet e emergjencës vijojnë operacionin në vendngjarje, ndërsa pritet që në orët në vijim të ketë më shumë informacion për rrethanat dhe pasojat e aksidentit.



Të ndryshme
Më shumë

Radio Uskana - LIVE