Në Qendrën për Kulturë „Koço Racin” në Kërçovë,u promovua romani „Mallkimi i parave”, i shkrimtares Olivera Shirgovska. Kjo është vepra e gjashtë letrare e autores, e cila përmes këtij romani sjell një tjetër rrëfim për lexuesit.
Autorja Olivera Shirgovska tregoi se punën për këtë roman e kishte nisur që në vitin 2012, ndërsa foli edhe për tematikën dhe mesazhin që synon të përcjellë vepra te lexuesit.
Për vlerat letrare të romanit foli recenzentja, prof. dr. Veselinka Labroska, e cila vlerësoi punën dhe kontributin e autores në realizimin e kësaj vepre.
Gjatë promovimit, për romanin dhe krijimtarinë e Olivera Shirgovskës folën edhe Maja dhe Elena, përfaqësuese të Qendrës për Kulturë „Koço Racin”.
Të pranishmit patën mundësi të njihen më nga afër me përmbajtjen e romanit, rrëfimin e tij dhe mesazhet që autorja përcjell përmes kësaj vepre.