Një lajm për një tragjedi të rëndë familjare në fshatin Serbjan të Kërçovës, i publikuar edhe më herët, sot është shpërndarë sërish në disa portale informative, duke u paraqitur sikur ngjarja të ketë ndodhur sot.
Për të verifikuar vërtetësinë e informacionit, TV Uskana kontaktoi zëdhënësin e SPB-së në Ohër, Stefan Dimovski, i cili bëri të ditur se ditëve të fundit nuk është regjistruar asnjë ngjarje e tillë në rajonin e Kërçovës.
Kështu, pretendimet e portaleve që e paraqesin këtë rast si një ngjarje të ndodhur sot nuk përputhen me informacionet zyrtare të policisë.
U bëhet thirrje portaleve dhe mediave që, para publikimit dhe rishpërndarjes së lajmeve të tilla, të verifikojnë datën dhe burimin e informacionit, në mënyrë që të mos krijojnë shqetësim dhe panik të panevojshëm te qytetarët.