Kryeministri Hristijan Mickoski është shprehur optimist për raundin e dytë të zgjedhjeve në Bërvenicë, duke deklaruar se pret që kandidati i VMRO-DPMNE-së të arrijë 4.000 vota në balotazhin e 1 nëntorit.

Sipas Mickoskit, kandidati i partisë së tij ka siguruar rreth 3.000 vota në raundin e parë, duke lënë pas kandidatin e BDI-së me afërsisht 800 vota diferencë.

“Pres mbështetje edhe më të madhe nga qytetarët, pavarësisht përkatësisë etnike”, deklaroi Mickoski, duke theksuar se VMRO-DPMNE synon votat e të gjitha bashkësive etnike.

Ai falënderoi qytetarët për pjesëmarrjen në zgjedhjet e parakohshme, të organizuara pas vdekjes së kryetarit të mëparshëm të komunës, Jovica Ilievski.