Në Kalanë e qytetit të Kërçovës u promovua libri „Ripërtrirja e shpresës sime“, me autore Menka Diçeska. Vepra sjell një rrëfim të veçantë, të lidhur ngushtë me një moment të rëndësishëm në jetën e autores, i cili shërbeu si frymëzim për krijimin e saj.
Mes emocionesh, autorja Menka Diçeska ndau me të pranishmit motivet që e shtynë të shkruante këtë libër, duke rrëfyer për përjetimet personale që u shndërruan në burim frymëzimi për veprën.

Për librin foli edhe recenzentja, shkrimtarja nga Manastiri, Dana Tembeleska, e cila vlerësoi lart krijimtarinë e autores dhe rëndësinë e veprës.

Përmes interpretimit të poezive, panelistët sollën në vëmendje krijimtarinë letrare të Menka Diçeskës, duke e bërë këtë promovim një aktivitet kushtuar fjalës së shkruar, artit poetik dhe fuqisë së letërsisë për të shprehur emocionet dhe përvojat njerëzore.