Xheneta Fetahu është përfshirë në një aksident automobilistik në Tiranë, ndërsa pas ngjarjes ka ndarë me ndjekësit pamjet e automjetit të saj, ku duken dëmtime dhe gërvishtje në pjesën anësore.

Ish-banorja e Big Brother VIP Kosova ka publikuar një fotografi në InstaStory, duke treguar gjendjen e makinës pas aksidentit. Krahas pamjes, Xheneta ka shkruar një mesazh që lë të kuptohet se ngjarja e ka trembur.

“Moti nuk jam frikësuar si sot. Inshallah mi ka marrë të këqijat”, shkruan ajo.

Sipas raportimeve, aksidenti ka ndodhur gjatë ditës në Tiranë. Nga informacionet e publikuara deri tani, Xheneta nuk ka pësuar lëndime dhe gjendja e saj raportohet të jetë e mirë.

Xheneta aktualisht qëndron mes Kosovës dhe Shqipërisë për shkak të angazhimeve të saj televizive.