Arsenali vijon sezonin perfekt, duke siguruar kualifikimin në raundin e katërt të Carabao Cup pas fitores 4-2 ndaj Ipswich Town.

Protagonisti i mbrëmjes ishte padyshim 16-vjeçari Max Dowman, i cili realizoi dy gola në një paraqitje mbresëlënëse. Talenti i Arsenalit zhbllokoi takimin që në minutën e shtatë me një aksion individual spektakolar, ndërsa në pjesën e dytë shënoi edhe golin e tij të dytë.

Noni Madueke dhe Mikel Merino kompletuan fitoren e Arsenalit, ndërsa Ipswich reagoi me Anis Mehmeti dhe Chuba Akpom. Megjithatë, dy golat e vendasve nuk mjaftuan për të ndryshuar fatin e takimit. Arsenali regjistron kështu një tjetër fitore dhe pret të mësojë kundërshtarin e raundit të katërt.

Në një tjetër përballje të Carabao Cup, Liverpooli siguroi kualifikimin pas fitores 3-1 ndaj Tottenhamit, duke zhytur londinezët e De Zerbit gjithmonë e më shumë në krizë.

Edhe pse me një formacion të ndryshuar ndjeshëm, Liverpooli kontrolloi ndeshjen dhe kaloi në avantazh në pjesën e parë me Alexis Mac Allister. Pas pushimit, Cody Gakpo dyfishoi shifrat, ndërsa Tottenham reagoi me Conor Gallagher, duke rihapur përkohësisht takimin.

Por në minutat shtesë, Dominik Szoboszlai vulosi fitoren e Liverpoolit me një goditje spektakolare nga distanca. Tottenham largohet nga Carabao Cup pas një tjetër rezultati negativ, ndërsa Liverpooli vazhdon rrugëtimin drejt trofeut.