Shkolla Fillore Komunale “Faik Konica” në fshatin Greshnicë e ka nisur vitin e ri shkollor 2026/2027 me kushte të mira për zhvillimin e procesit edukativo-mësimor.
Drejtori i sapoemëruar i kësaj shkolle, Abidin Seferi, foli për fillimin e vitit të ri shkollor, por edhe për sfidat me të cilat po përballet në drejtimin e institucionit.

Drejtori Seferi,njoftoi se  në SHF “Faik Konica”, së bashku me shkollat periferike që funksionojnë në kuadër të saj, mësimin e ndjekin gjithsej 120 nxënës. Ndërkohë, këtë vit në klasën e parë janë regjistruar 12 nxënës.

Sa i përket teksteve shkollore, Seferi bëri të ditur se nxënësit janë pajisur me tekstet për lëndët tjera, ndërsa problem mbetet lënda e Informatikës, për të cilën ende nuk janë botuar tekstet shkollore.
Ndërkohë, sipas tij, edhe transporti i nxënësve është organizuar në kohë dhe deri tani nuk ka pasur vonesa apo probleme në bartjen e tyre.

Drejtori Abidin Seferi foli edhe për prioritetet e tij në drejtimin e shkollës, duke theksuar se fokusi do të jetë në përmirësimin e kushteve për nxënësit dhe stafin, si dhe në rritjen e cilësisë së procesit edukativo-mësimor.