Edon Zhegrova ishte protagonisti kryesor i Juventusit në humbjen dramatike 3-2 ndaj Sassuolos.

Sulmuesi kosovar realizoi të dy golat e “Zonjës së Vjetër”, por ato nuk mjaftuan për të marrë pikët e plota.

Sassuolo arriti të shënonte në minutat e fundit dhe i dha Juventusit një goditje të hidhur.

Pas ndeshjes, Zhegrova reagoi për herë të parë në rrjetet sociale, duke shprehur keqardhjen për rezultatin.

“Për të ardhur keq që golat e mi nuk arritën fitore, por ne vazhdojmë edhe më tutje”, shkroi ai.

28-vjeçari pranoi gjithashtu se kishte pritur prej kohësh momentin për të shënuar për klubin torinez.

“Kam qenë duke e pritur këtë moment për të shënuar për këtë klub”, u shpreh Zhegrova.

Paraqitja e tij ishte një sinjal i fortë pas periudhës së pritjes për golin e parë me Juventusin.

Megjithatë, e ardhmja e tij me përfaqësuesen e Kosovës mbetet e paqartë.

Zhegrova raportohet se mund të mungojë në Ligën e Kombeve për arsye disiplinore, por ende nuk ka një konfirmim përfundimtar.

Ndërkohë, ai nuk do të jetë në dispozicion të Juventusit në mesjavë ndaj Nejmigenit.

Sulmuesi nuk është përfshirë në listën e skuadrës për Ligën e Evropës.

Megjithatë, Zhegrova pritet të jetë i gatshëm për ndeshjen e fundjavës në Serie A, ku Juventusi do të kërkojë reagimin pas humbjes së fundit.