Klodiana Spahiu ka bërë betimin si ministre e Shëndetësisë dhe Mirëqenies Sociale, duke marrë zyrtarisht drejtimin e dikasterit.

Emërimi i saj vjen pas dorëheqjes së Evis Salës dhe përfundimit të procedurave kushtetuese për zëvendësimin në qeveri.

Presidenti Bajram Begaj dekretoi më 8 shtator emërimin e Spahiut, ndërsa po atë ditë dekreti mori edhe miratimin e Kuvendit.

Spahiu kalon në qeveri pas një karriere të gjatë në Kuvend. Ajo ka qenë deputete e Partisë Socialiste dhe ka mbajtur edhe postin e nënkryetares së Kuvendit.

Me profesion mjeke, Spahiu ka përfunduar studimet për Mjekësi të Përgjithshme në Universitetin e Tiranës dhe më pas është specializuar në kardiologji.

Ajo zëvendëson Evis Salën në drejtimin e Ministrisë së Shëndetësisë dhe Mirëqenies Sociale, pas dorëheqjes së kësaj të fundit në fillim të shtatorit.