Në Turqi, në Ligën e Parë, kryefjalë këtë periudhë janë dy “bomberat” kuqezi, Rey Manaj dhe Taulant Seferi. Dy sulmuesit e ekipit përfaqësues vijojnë betejën në distancë për “Këpucën e Artë”. Rey Manaj është rikthyer në nivelin e tij më të mirë, këtë e vërtetoi edhe në javën e 5-të ku realizoi një “dopjetë” golash.

Manaj ishte i papërmbajtshëm ku i vetëm i dhuroi një pikë Sivasspor në sfidën përballë Mardin. Miqtë kryesonin 0-2 që në pjesën e parë, por në minutën e 62-të Manaj mori stafetën ku fillimisht ngushtoi shifrat në 1-2 nga pika e bardhë e penalltisë. Sulmuesi kuqezi nuk u mjaftua me kaq dhe në minutën e 71-të barazoi rezultatin në 2-2. Për fat të keq vetëm Manaj nuk mjafton për Sivasspor pasi ekipi i tij vijon rënien e lirë në tabelë. Falë kësaj “dopjetë”, Manaj ngjitet në kuotën e 5 golave në 5 ndeshje, aktualisht golashënuesi më i mirë.

https://www.youtube.com/watch?v=4D0-nx3unLY

Me një gol më pak ndjek Rey Manaj sulmuesi tjetër kuqezi, Taulant Seferi. Ish “bomberi” i Tiranës gjeti sërish rrugën e rrjetës për ekipin e tij Kayserispor. Në minutën e 53-të, Seferi finalizoi me gol një kundërsulm të shpejtë.

https://www.youtube.com/watch?v=oUDcVRXfxa0

Forma e shkëlqyer e dy sulmuesve në Turqi është një lajm i shkëlqyer për trajnerin e ekipit përfaqësues Rolando Maran përpara startit të edicionit në Ligën e Kombeve.