Viti i ri shkollor 2026/2027 ka nisur edhe në Shkollën e Mesme Komunale “Drita” në Kërçovë, ku në vitin e parë janë regjistruar gjithsej 140 nxënës.
Sipas drejtoreshës së SHMK “Drita”, Syarta Spaiu, ndarja e paraleleve është bërë në përputhje me planifikimin e përcaktuar.Ajo njofton se  janë formuar gjithsej tetë paralele, katër në drejtimin gjimnaz dhe katër në arsimin profesional, edhe pse në aplikim për tu regjistruar egzistonin vetëm tre drejtime profesionale,drejtoresha nuk saktësoi se cilat janë këto katër drejtime profesionale. 
Drejtoresha Spaiu bëri të ditur se nxënësit kanë të siguruar edhe transportin shkollor, megjithëse aktualisht sipas sajë ka disa probleme që lidhen me transportin por pa i secifikuar se cilat janë këto probleme  ajo pret që këto çështje të zgjidhen në një periudhë të shkurtër.
Sa i përket teksteve shkollore, drejtoresha theksoi se shkolla ka siguruar tekste për të gjithë nxënësit, në mënyrë që procesi mësimor të zhvillohet pa pengesa që në ditët e para të vitit të ri shkollor.