Një anije cisternë është goditur nga një predhë e panjohur në Ngushticën e Hormuzit, duke shkaktuar zjarr në bord.

Incidenti është konfirmuar të enjten herët nga Zyra Britanike e Informacionit për Sigurinë Detare (UKMTO), pjesë e Ministrisë së Mbrojtjes së Mbretërisë së Bashkuar.

Sipas UKMTO-së, zjarri në anije është shuar, dhe se i gjithë ekuipazhi është i sigurt. Autoritetet kanë bërë të ditur gjithashtu se nuk është raportuar ndonjë ndikim në mjedis.

https://x.com/UK_MTO/status/2092777815103901864?ref_src=twsrc%5Etfw%7Ctwcamp%5Etweetembed%7Ctwterm%5E2092777815103901864%7Ctwgr%5Eaff071a28910dac5c94cb4e199ae82b9ba318c13%7Ctwcon%5Es1_c10&ref_url=https%3A%2F%2Fwww.vizionplus.tv%2Fpershkallezohen-tensionet-ne-ngushticen-e-hormuzit-goditet-nje-tjeter-cisterne-shperthen-zjarr-ne-bord%2F

Sulmi vjen vetëm një ditë pas një incidenti të ngjashëm, të regjistruar të mërkurën, duke shtuar shqetësimet për sigurinë e lundrimit në një prej rrugëve detare më të rëndësishme në botë.

Deri tani nuk janë bërë të ditura detaje për flamurin nën të cilin lundronte cisterna, nëse transportonte ngarkesë apo cili ishte destinacioni i saj.

Ngushtica e Hormuzit është kthyer në një zonë të tensionuar që prej shpërthimit të luftës në Lindjen e Mesme më 28 shkurt, pas sulmit SHBA-Izrael ndaj Iranit.

/vizionplus.tv