Gjatë 24 orëve të fundit janë regjistruar gjithsej 37 zjarre në hapësira të hapura, ndërsa prej tyre, tre janë ende aktive, një është nën kontroll, ndërsa të tjerat janë shuar, njoftuan nga Qendra për Menaxhim me Kriza.

QMK njofton se zjarre aktive kishte në Komunën e Studeniçanit, në rajonin e fshatit Moranë, Vrtekicë dhe Ramni Gaber, ku po digjet pyll i përzier, në Komunën e Makedonski Brodit, në vendin e quajtur Vidush, te fshati Dragov Dol dhe te fshati Lokvicë, ku po digjet vegjetacion i ulët, pyll me trungje të ulëta dhe shkurre, në Komunën e Prilepit, në fshatin Çanisht, me dy drejtime – njëri drejt fshatit Zoviq, ndërsa tjetri drejt fshatit Krushevicë, ku po digjet vegjetacion i ulët.

Zjarri në deponinë në Dellçevë, sipas informacioneve deri në orën 7:30, është nën kontroll.

Nga zjarret e shuar, dy ishin në territorin e komunës së Gjorçe Petrovit, dy në rajonin e Sarajit, dy në Shtip, nga tre në Dollnen, Kërçovë dhe Gostivar, nga një në Aerodrom, Haraçinë, Mogillë, Novac, Radovish, Strumicë, Çashkë, si dhe një në territorin e Velesit dhe Zelenikovës.

Zjarrfikësit kanë shuar zjarre edhe në Vinicë, Koçan, Likovë, Kratovë, Nagoriçan të Vjetër, Rankovcë, Bërvenicë, Tetovë, Jegunoc.

Pyll i përzier po digjej edhe në komunat Jegunovcë dhe Saraj. Së pari në territorin e fshatrave Kopancë dhe Tudencë në komunën e Jegunovcës, dhe më pas zjarri u përhap në fshatin Bojanë në komunën e Sarajit.