Pas testimeve të shumta të ujit në Gostivar, analizat tregojnë se uji më në fund mund të përdoret si ujë teknik, për larje dhe për të gjitha nevojat e tjera shtëpiake, por jo për pirje ose përgatitje ushqimi. Këtë e bëri të ditur ministri i Brendshëm, Pançe Toshkovski, sipas të cilit për gostivarasit do të vazhdojë furnizimi me ujë të ambalazhuar për pije.

“Analizat tregojnë se uji në Komunën e Gostivarit mund të shfrytëzohet si ujë për përdorim teknik. Uji do të mund të shfrytëzohet për larje dhe për të gjitha nevojat tjera në kuadër të amvisërisë, por jo për pirje dhe për përgatitjen  e ushqimit. Do të vazhdojmë të sigurojmë ujë të ambalazhuar, jemi në koordinim të vazhdueshëm me komunën për masat që do të ndërmerren më tej dhe dua fillimisht të falënderoj gostivarasit për mirëkuptimin e tyre, si dhe pjesëtarëve të ujësjellësit në Shkup, ekspertëve që ndërmorën një sërë aktivitetesh për klorim dhe vendosje të mjeteve që të arrimë deri te kjo fazë. Shpresoj se së shpejti do të informojmë opinionin se kur do të ketë ujë të pijshëm.”, - deklaroi ministri i Punëve të Brendshme, Pançe Toshkovski.