Më 17/18.07.2026, në periudhën nga ora 23:30 deri në ora 02:00, zyrtarët policorë të SPB Tetovë realizuan një kontroll aksion në objekte hotelierike në territorin e SPB Tetovë, ku u gjetën drogë dhe thika, ndërsa u arrestuan katër persona.

Gjatë kontrollit në një lokal në Tetovë, në pjesën e pasme të objektit u gjetën dy qese me substancë të bardhë pluhur, që dyshohet të jetë lëndë narkotike.

Në kontrollet e lokaleve të tjera u arrestua A.A. (23) nga fshati Novo Sellë, pasi kishte ofenduar zyrtarët policorë. Ndërkaq, E.R. (29) nga Kamenjani, S.A. (24) nga Gostivari dhe S.J. (59) nga fshati Reçicë e Madhe u arrestuan pasi gjatë kontrollit tek ata u gjetën thika.
Pas dokumentimit të plotë të rasteve, ndaj personave do të parashtrohen kallëzimet përkatëse.