KËRÇOVË – TV Uskana shpreh solidaritet dhe mbështetje për kolegun, gazetarin dhe pronarin e portalit Tetova Sot, Rami Mislimi, pas pretendimeve të tij publike se është kërcënuar nga Albi Qamili.

Sipas një postimi të publikuar nga Mislimi në rrjetin social Facebook, ai ka bërë të ditur se ndodhej para objektit të Komunës së Tetovës, duke shkruar:

“Jam para Komunës së Tetovës dhe pres Albi Qamilin me ma shkerdhy vajzën 2-vjeçare dhe me më vra! Po e pres para Komune!”

Nëse këto pretendime konfirmohen nga institucionet kompetente, ato përbëjnë një rast tejet shqetësues dhe një kërcënim serioz ndaj lirisë së medias, të drejtës për informim dhe sigurisë së gazetarëve. Kërcënimet ndaj një gazetari për shkak të punës së tij profesionale, veçanërisht kur prekin edhe familjen e tij, janë të papranueshme dhe cenojnë parimet themelore të një shoqërie demokratike.

TV Uskana dënon çdo formë kërcënimi, presioni apo intimidimi ndaj gazetarëve, pavarësisht bindjeve politike, mediumit ku punojnë apo qëndrimeve editoriale që mbajnë.

Çdo sulm apo kërcënim ndaj një gazetari është sulm ndaj lirisë së shprehjes dhe të drejtës së qytetarëve për t'u informuar lirshëm.