Programor të Radio Televizionit të Maqedonisë (RTVM) për emërimin e zëvendësdrejtorit, duke e cilësuar atë si të paligjshëm dhe në kundërshtim me standardet profesionale.

Sipas BDI-së, vendimi përbën një akt të kapjes politike të institucionit publik, duke theksuar se personi i emëruar nuk i plotëson kushtet ligjore për përvojë pune dhe menaxheriale.

Nga partia theksojnë se Ligji për Shërbimet Mediatike Audio dhe Audiovizuele, si dhe Ligji për Nëpunësit Administrativë, përcaktojnë qartë se përvoja e punës llogaritet vetëm pas përfundimit të arsimit përkatës dhe në pozita që kërkojnë atë nivel arsimor, ndërsa për funksionin kërkohen të paktën tetë vite përvojë profesionale dhe katër vite në pozitë udhëheqëse.

BDI pretendon se zëvendësdrejtori i emëruar me votat e anëtarëve të VMRO-DPMNE-së dhe VLEN-it në Këshillin Programor ka dhënë provimin e parë universitar në vitin 2020 dhe ka diplomuar në vitin 2024. Sipas tyre, përvoja e tij e punës lidhet kryesisht me tregtinë e tekstilit dhe jo me gazetarinë.

Partia e konsideron këtë vendim si një precedent të rrezikshëm që, sipas saj, dëshmon politizimin e mediave publike dhe shndërrimin e RTVM-së në një instrument partiak.

Në reagim, BDI ngre edhe pyetjen se si i njëjti kandidat, i cili sipas tyre një muaj më parë nuk i plotësonte kushtet, tashmë është vlerësuar si i kualifikuar për funksionin.

BDI kërkon nga Komisioni Shtetëror për Parandalimin e Korrupsionit të hapë procedurë dhe të anulojë emërimin, ndërsa i bën thirrje Prokurorisë të hetojë përgjegjësinë penale të anëtarëve të Këshillit Programor.

Po ashtu, partia u bën thirrje Shoqatës së Gazetarëve të Maqedonisë, Këshillit të Etikës në Media dhe faktorëve ndërkombëtarë të reagojnë ndaj, siç e cilëson, politizimit të hapur të transmetuesit publik.

"RTVM nuk është pronë e asnjë partie, por e qytetarëve," thuhet në fund të reagimit të BDI-së.