Në Vauffelin, afër Bielit në Zvicër, u mbajt me sukses edicioni i gjashtë i takimit automobilistik HCP-6, i organizuar nga të rinjtë kërçovarë Mendi Rahmani, Hamco dhe Shuki. Ngjarja mblodhi qindra adhurues të automobilizmit nga e gjithë Zvicra dhe vendet fqinje, duke e shndërruar edhe një herë këtë takim në një festë të pasionit për makinat.
Që nga organizimi i parë, ky aktivtitet HCP është rritur vazhdimisht dhe tashmë konsiderohet një nga takimet më të njohura automobilistike. Në këtë edicion morën pjesë klube të njohura automobilistike, u ekspozuan supermakina dhe hipermakina të rralla, të cilat tërhoqën vëmendjen e vizitorëve.
Organizatorët theksuan se qëllimi i aktivitetit është krijimi i një hapësire ku entuziastët e automobilizmit mund të takohen, të shkëmbejnë përvoja dhe të promovojnë frymën e miqësisë dhe bashkëpunimit.
TV Uskana e ndoqi nga afër këtë ngjarje dhe solli pamje ekskluzive nga atmosfera e krijuar, duke pasqyruar suksesin e një iniciative që prej gjashtë vitesh mbahet falë përkushtimit të të rinjve nga Kërçova.