Forca e Sigurisë së Kosovës (FSK) ka zgjedhur që në mënyrë simbolike, përmes vrapimit, të shënojë 250-vjetorin e Pavarësisë së Shteteve të Bashkuara të Amerikës.

Pjesëtarët e Operacioneve Speciale të Forcës së Sigurisë së Kosovës, së bashku me partnerët e tyre amerikanë, realizuan “Vrapin e Rreshter Majorit”, duke shënuar në këtë mënyrë 250-vjetorin e Pavarësisë së SHBA-së.

“Aktiviteti u zhvillua nën moton “Run Together, Stronger Together”, duke simbolizuar partneritetin e fuqishëm, besimin e ndërsjellë dhe vlerat e përbashkëta që lidhin FSK-në me Shtetet e Bashkuara të Amerikës. FSK mbetet e përkushtuara në zhvillimin e kapaciteteve operacionale, avancimin dhe ngritjen e partneritetit strategjik me Shtetet e Bashkuara të Amerikës në të gjitha fushat e zhvillimit”, thuhet në njoftimin e FSK-së.