Arkivoli me kufomën e ish liderit suprem të Iranit, Ali Khamenei, është vendosur të premten, në Grand Mosalla të Teheranit, që është kompleksi më i madh për falje dhe ceremoni fetare në kryeqytetin e këtij shteti.

Pranë arkës mortore të tij, janë vendosur edhe disa tabutë tjerë, që u takojnë familjarëve të udhëheqësit.

Ndër ata që u nderuan me vendosjen e arkivoleve të tyre në Grand Moslla janë edhe vajza e madhe Khameneit, dhëndri i tij, mbesa 14-muajshe dhe bashkëshortja e liderit të ri Suprem të Iranit, Ajatollah Mojtaba Khamenei, djali i udhëheqësit të mëparshëm, i cili vazhdon të qëndrojë i fshehur pasi raportohet se u plagos në atë sulm.

Të gjithë të vdekurit u vranë më 28 shkurt, në ditën kur Amerika dhe Izraeli filluan sulmet e tyre masive ndaj Iranit.

Viktimat kryesore të kësaj ngjarje do të varrosen me 9 korrik në vendin e quajtur Mashhad, ku edhe ka lindur Khamenei..

Deri në këtë ditë, arkivoli me kufomën e tij dhe ata të të afërmëve të tij do të lëvizë nëpër Teheran, Qom dhe qytete tjera me rëndësi fetare për iranianët shiitë. /KosovaPress/