Temperaturat e larta që kanë përfshirë vendin kërkojnë kujdes të shtuar nga qytetarët. Në një prononcim për Tv Uskana, mjeku sepcialist i mjekësisë familjare Gëzim Nebiu nga ordinanca Ordinanca Shëndeti apelon për respektimin e rekomandimeve bazë për të shmangur pasojat nga i nxehti.
Sipas tij, gjatë ditëve me temperatura të larta duhet të shmanget lëvizja në orët më të nxehta të ditës, ndërsa qytetarët duhet të konsumojnë sa më shumë ujë dhe të ushqehen lehtë. Po ashtu, rekomandohet veshje e lehtë dhe e përshtatshme për temperaturat e verës.

Dr. Nebiu thekson se kujdes i veçantë duhet t’u kushtohet personave me sëmundje kronike, të moshuarve, fëmijëve dhe grave shtatzëna, të cilët janë më të rrezikuar nga temperaturat ekstreme.

Ai gjithashtu foli edhe për rastet kur qytetarët duhet të kërkojnë ndihmë mjekësore, duke theksuar se çdo simptomë si lodhje e theksuar, marramendje apo përkeqësim i gjendjes shëndetësore nuk duhet të neglizhohet dhe kërkon konsultë të menjëhershme me mjekun.