Në një ceremoni solemne të organizuar në ambientet e Fakultetit Juridik në Kërçovë, pjesë e Universiteti “Shën Klimenti i Ohrit” – Manastir, u ndanë diplomat për studentët që përfunduan me sukses studimet e tyre.
Me këtë rast, u theksua rëndësia e arsimit juridik në përgatitjen e kuadrove të reja profesionale, të cilat do të kontribuojnë në forcimin e sundimit të ligjit dhe në zhvillimin e një shoqërie më të drejtë e më të avancuar.
Dekanja e Fakultetit Juridik, Svetllana Veljanoska, duke i uruar studentët për arritjen e tyre, theksoi se diplomimi shënon fundin e një etape të rëndësishme, por njëkohësisht edhe fillimin e një rrugëtimi të ri profesional.

Urime për të diplomuarit përcolli edhe rektori i universitetit, Igor Nedellkoski, i cili vlerësoi angazhimin dhe suksesin e studentëve gjatë viteve të studimit.

Nga ana e Parlamentit Studentor, Lençe Grozdanoska i ndau çmimin për studente më të mirë të vitit Biljana Dolevskas. Ndërkohë, dekania Veljanoska i ndau mirënjohje Lençe Grozdanovskës për fitimin e vendit të parë në nivel republikan për esenë më të mirë.

Ceremonia u zhvillua në një atmosferë festive, në prani të profesorëve, familjarëve dhe mysafirëve të shumtë, ku u vlerësuan puna, përkushtimi dhe suksesi i studentëve gjatë viteve të studimit.