Me pjesëmarrjen e ansambleve dhe shoqërive kulturo-artistike nga vendi,rajoni dhe Europa, mbrëmë në Kërçovë u hap edicioni i 19-të i Festivalit Ndërkombëtar Folklorik të Këngëve dhe Valleve Popullore “Dr. Vlladimir Polezhinoski”. Manifestimi, i organizuar nga IN Qendra e Kulturës “Koço Racin”, mblodhi në një skenë kulturat, traditat dhe folklorin e vendeve pjesëmarrëse, duke e shndërruar Kërçovën në një qendër të rëndësishme të promovimit të trashëgimisë kulturore.
Hapjen e 19-të të festivalit e bëri drejtori i qendrës për kulturë në Kërçovë Fluturim Ibraimi i cili pasi ju uroj mirëseardhje mysafirëve , tha se për 19 vite me radhë ky festival është vendtakimi i kulturave të ndryshme.

Më pas në skenë me pikat e tyre u paraqitën shoqëritë kulturor-artistike duke tërhequr vëmdenjen e publikut me koreografitë e tyre të  veçanta me një fryme festive për të gjithë.