Rita Ora ka tërhequr sërish vëmendjen e publikut me një paraqitje elegante gjatë një performance së fundmi në ambientet e Soho House.

Artistja me famë botërore është ngjitur në skenë në një set akustik, ku ka performuar për një audiencë të përzgjedhur, ndërsa më pas ka ndarë edhe një sërë fotosh dhe videosh në Instagram, duke zbuluar atmosferën e veçantë të mbrëmjes.

Në paraqitjen e saj, Rita Ora kishte zgjedhur një fustan në nuanca bezhë dhe të bardhë, i cili binte në sy për një detaj të veçantë në formë shamie të vendosur në pjesën e pasme, duke i dhënë look-ut një stil unik dhe mjaft të sofistikuar. Ajo u shfaq e kuruar deri në detajin më të vogël, duke reflektuar edhe një herë stilin e saj të njohur dhe të veçantë.

Gjatë eventit, këngëtarja ndau gjithashtu disa momente nga performanca live, duke sjellë për ndjekësit e saj atmosferën intime të mbrëmjes. Në një postim të saj, ajo falënderoi Soho House, duke shkruar se këto sete akustike spontane janë ndër gjërat e saj të preferuara.

Ndërkohë, artistja ka bërë të ditur se do të rikthehet sërish në skenë të shtunën, ku pritet të performojë në një festival, duke vijuar kështu një periudhë aktive të koncerteve dhe daljeve publike.

https://www.instagram.com/p/DZvcdYJDKV7/?utm_source=ig_embed&ig_rid=A6qSRHrl8ogB5Us6zTNuwha