Përfaqësuesi i partisë opozitare Lidhja Shqiptare, Remzi Mehmedi, ka reaguar për zhvillimet politike në vend, duke vlerësuar se skena politike shqiptare dominohet nga dy blloqe që, sipas tij, përfaqësojnë të njëjtën klasë politike. Ai thekson se zgjidhja nuk qëndron te rotacioni i partive në pushtet, por te krijimi i një alternative të re politike, duke e cilësuar “opsionin e tretë” si domosdoshmëri dhe jo luks.

Në postimin e plotë në FB Mehmedi shkuran:

OPCIONI I TRETË politik, nuk është LUKS por DOMOSDOSHMËRI

Tentimi për POLARIZIM të skajshëm të dy taboreve politike të IMPROVIZUARA por që në udhëheqësi kan njerëz të klasës së njejtë politike nuk është RIVALITET real politik por është formulë BASHKËPUNIMI të ngushtë mes tyre për të mbijetuar dhe përfituar mbështetje elektorale duke u perceptuar si e keqe e domosdoshme njëra kundrejt tjetrës dhe njëkohësisht, përmes mjegullës të zënë terenin e oponencës së vërtetë që OPCIONI I TRETË i dalë nga mbështetja e vërtetë e popullit të pa përfaqësuar realisht në politikë. Prandaj çdo veprim politik dhe " përplasje që kalon përmes retorikës, " ne e bejmë keq, por ju edhe më keq apo anasjelltas është fakt determinant i përpjekjes për të mbijetuar KLASA E NJEJTË POLITIKE e rishpërndarë dhe e riprodhuar tash më në " dy tabore " . Jo më kot tek ne nuk përjetohet ndryshimi edhe kur ndryshojnë partit në pushtet sepse këtu pushteti nuk merret por delegohet brenda klases së njejtë politike që riprodhon vehten sa herë që i duhet për të penguar ndryshimin e klasës politike. Si rrjedhojë ne nuk kemi nevojë për ndryshim të partive politike por të KLASËS POLITIKE prandaj OPCIONI i TRETË politik nuk është LUKS por DOMOSDOSHMËRI