Konkursi për regjistrimin e nxënësve në vitin e parë në Shkollën e Mesme Komunale SHMK Drita në Kërçovë i cili ka filluar sot në mënyrë elektronike  për vitin shkollor 2026/27 ka sjellë një ndryshim të rëndësishëm në ofertën arsimore të shkollës. Për herë të parë , në konkurs nuk figuron drejtimi i makinerisë, duke lënë të kuptohet se ky profil është mbyllur.
Sipas konkursit të shpallur, shkolla do të regjistrojë gjithsej 204 nxënës në gjashtë paralele me mësim në gjuhën shqipe, të shpërndara në drejtimet: gjimnaz, teknik i ekonomisë, teknik i farmacisë dhe teknik për elektroteknikë dhe telekomunikacion. Ndërkohë, drejtimi i makinerisë, i cili në vitet e kaluara ka qenë pjesë e ofertës arsimore të shkollës, nuk është përfshirë fare në planin e regjistrimeve për vitin e ri shkollor.
Ndërkohë i njejti drejtim në SHMK Mirko Mileski në Kërçovë ku mësimi ndiqet në gjuhën maqedonase nga viti i ardhshëm mësimor dë të realizohet sipas modelit dual, ku nxënësit e kësaj shkolle praktikën do ta ndjekin në Tec Osllomej.
Ditë më parë Tv Uskana për këtë çështje pyeti drejtoreshën e SHMK Drita Syarta Spahiu e cila në përgjigjen e saj me shkrim deklaroi se  se shkolla i ka përmbushur të gjitha obligimet ligjore dhe procedurale, duke paraqitur me kohë kërkesat dhe planifikimet për vitin shkollor 2026/2027, përfshirë edhe kërkesën për këtë drejtim.
Ajo më tej sqarojë se vendimet për numrin e klasave dhe paraleleve janë në kompetencë të Komunës dhe Ministrisë së Arsimit dhe Shkencës, ndërsa shkolla vetëm ka paraqitur nevojat dhe kërkesat e saj. Ajo shton se optimizimi i paraleleve është një proces që po zbatohet në nivel shtetëror, si pasojë e rënies së natalitetit dhe lëvizjeve demografike, duke përfshirë emigrimin e popullsisë.
Drejtoresha më tej vlerson se paraqitja e kësaj çështjeje si problem me prapavijë etnike apo nacionaliste nuk pasqyron realitetin dhe nuk mbështetet në faktet që lidhen me zhvillimet demografike dhe arsimore në vend.
Për pasojat e mbylljes së drejtimit të makinerisë në SHMK Drita për Tv Uskana disa muaj më parë ka folur profesori Ismet Fejza.