KËRÇOVË – Më 10 qershor, në ambientet e Qendrës për Kulturë në Kërçovë, do të mbahet promovimi i librit monografik “Ajet Rushiti në sfidat e rrugëtimit atdhetar”, vepër e autorit Shaban Dalipi, kushtuar jetës dhe veprimtarisë së atdhetarit të njohur Ajet Rushiti.

Manifestimi do të fillojë në ora 17:00 dhe pritet të mbledhë personalitete të jetës publike, veprimtarë, intelektualë, si dhe qytetarë të interesuar për historinë dhe çështjen kombëtare shqiptare.

Sipas organizatorëve, promovimi synon të sjellë para publikut rrugëtimin jetësor dhe veprimtarinë e Ajet Rushitit, duke ndriçuar kontributin e tij në angazhimet atdhetare dhe në përpjekjet për afirmimin e të drejtave kombëtare të shqiptarëve.

Në kuadër të programit do të shfaqet edhe një film dokumentar, i cili pasqyron veprimtarinë dhe përkushtimin e Ajet Rushitit në shërbim të kauzës kombëtare shqiptare