Teatri “Migjeni” në Shkodër mirëpriti shfaqjen “Gomerët e Trojeve”, një komedi e errët me autor dhe regjisor Genti Bejko, e cila solli për publikun një ndërthurje mes antikitetit dhe aktualitetit përmes humorit, ironisë dhe satirës sociale.

Regjisori Gent Bejko, u shpreh se mesazhet që përcjell kjo vepër janë të rëndësishme për mënyrën se si teatri lidhet me realitetin dhe shoqërinë, duke përdorur komedinë si formë reflektimi për publikun.

“Në ’91 unë isha 11 vjeç dhe pas 35 vitesh ne jemi po prapë në të njëjtin status me të njëjtët gomer që vazhdojnë vetëm ndërrojnë flamur apo ndryshojnë portrete dhe fytyra”, u shpreh regjisori.

Edhe aktorët e shfaqjes vlerësuan eksperiencën dhe angazhimin e tyre në këtë komedi, e cila sjell personazhe dhe situata plot ironi e grotesk.

“Shfaqja sjellë disa mesazhe të cilat shtohen me anën komike”, tha aktori Jozef Shiroka.

“Për mua është dhe shumë e veçantë që pas një viti po në të njëjtën datë jam rikthyer në teatrin “Migjeni”. Koj shfaqje i ka të gjitha brenda”, tha aktorja Lusi Bregu.

Komedia “Gomerët e Trojeve” do të vijojë edhe me një tjetër natë në skenën e Teatrit “Migjeni”, duke sjellë sërish për publikun shkodran humor dhe reflektim përmes artit skenik.