Kandidati i PDK-së për kryeministër, Bedri Hamza ka prezantuar kandidatët për deputetë nga Mitrovica.

Ai ka vlerësuar se ata janë njerëz të dëshmuar që do t’i japin zë qytetarëve dhe zhvillimit të vendit.

Në profilin e tij në Facebook, Hamza ka shkruar se Kosova ka nevojë për bashkim, seriozitet dhe një drejtim që sjell zhvillim, mirëqenie dhe shpresë për çdo familje.

“Mitrovica sonte na dha energji, besim dhe vendosmëri për misionin tonë: t’i themi STOP krizës dhe ta ndryshojmë Kosovën! Bashkë me strukturat tona dhe qytetarët e shumtë, prezantuam kandidatët për deputetë nga Mitrovica, njerëz të dëshmuar që do t’i japin zë qytetarëve dhe zhvillimit të vendit. Kosova ka nevojë për bashkim, seriozitet dhe një drejtim që sjell zhvillim, mirëqenie dhe shpresë për çdo familje. Më 7 qershor, bashkë do ta ndalim krizën dhe do ta hapim një kapitull të ri për Kosovën. #PDK125 Shiko më pak”, ka shkruar ai.