Në hapësirat e Komunës së Kërçovës sot u mbajt aktiviteti me moton “Dialogu kulturor si motor për zhvillim lokal”, në kuadër të shënimit të Ditës Botërore të Diversitetit Kulturor për Dialog dhe Zhvillim. Aktiviteti u organizua nga Komuna e Kërçovës në bashkëpunim me Koalicionin e Organizatave Qytetare – Forumi i Komuniteteve Jo-Shumicë në Republikën e Maqedonisë së Veriut, me qëllim promovimin e dialogut ndërkulturor, bashkëpunimit dhe solidaritetit mes komuniteteve.
Hapjen e këtij eventi e bëri Kryetari i Komunës së Kërçovës Aleksandar Jovanovski i cili tha se Komuna e Kërçovës mbetet e angazhuar në mbështetjen e kulturës ,ideve inovative dhe të rinjëve të cilët kontribojnë për një shoqëri më të hapur dhe më të bashkuar.

Ndërkaq koordinatori nacional për bashkëpunimin ndëretnik Sallko Kuç tha se pushteti lokal është hapsira ku dialogu kulturor merr formë reale
 

Edmond Fejza nga korpusi i paqes tha se kjo organizatë  shënon vitin jubilar të 30 në Maqedoninë e Veriut , dhe në këto tre dekada rreth njëmijë vullnetarë kanë punuar me qytetarët shumë aktivitete

Ndërsa Bratisllava Tanaskoviq koordinatore Forumi i Komuniteteve Jo-Shumicë tha se tema të cilën e diskutojmë sot është bazamenti i jetesës .

Në këtë event morën pjesë përfaqsues institucionesh, nga sektori civil dhe qytetarë të tjerë.