Studentët shqiptarë sot mbajtën protestën e dytë në Shkup, duke ritheksuar kërkesën që provimi i jurisprudencës të jepet edhe në gjuhën shqipe.
Në mbështetje të tyre iu bashkuan edhe studentë nga Shqipëria dhe Kosova, të cilët marshuan së bashku nga Ura e Gurit deri te Ministria e Drejtësisë.
Gjatë protestës, pjesëmarrësit brohoritën parulla në mbrojtje të përdorimit zyrtar të gjuhës shqipe, duke kërkuar respektimin e të drejtave gjuhësore dhe mundësi të barabarta për studentët shqiptarë.