Atleti i AK Uskana, Muxhahid Mislimi, ka arritur një sukses të madh në Kupën e Maqedonisë për Seniorë 2026, duke u shpallur kampion në disiplinën 5000 metra.
Mislimi triumfoi me kohën fantastike 15:24.69, rezultat që konsiderohet ndër më të mirët në këtë disiplinë në rreth 20 vitet e fundit, duke vendosur njëkohësisht edhe rekord personal.
Mislimi po ashtu triumfoi edh në garën 3000m me pengesa me kohë 10 minuta
Nga Klubi Atletik Uskana bëjnë të ditur se gara ishte një nga më të fortat e viteve të fundit, si për nivelin e lartë të konkurrencës ashtu edhe për përfundimin dramatik, ku fituesi u vendos vetëm në sprintin final.
Sipas statistikave të garës, Mislimi realizoi 200 metrat e fundit për 29.4 sekonda, ndërsa 100 metrat e fundit për vetëm 13.7 sekonda, duke siguruar kështu vendin e parë. Në këtë garë, katër atletë arritën ta mbyllin disiplinën nën 16 minuta,çka dëshmon nivelin e lartë të konkurencës.
Ky sukses paraqet një tjetër rezultat të rëndësishëm për atletikën kërçovare dhe AC Uskana