Në Kuvendin e 71-të të Dhoma e Avokatëve në Maqedoninë e Veriut janë mbajtur zgjedhjet për përbërjen e re të Bordit Drejtues në nivel republikan, ku janë zgjedhur gjithsej 17 anëtarë.

Për kryetar të ri të Dhomës së Avokatëve është zgjedhur Laze Gjorgjievski nga Shkupi, ndërsa Hamdije Ademi Tafa nga Kërçova është rizgjedhur zëvendëskryetare.

Rizgjedhja e saj për herë të dytë në këtë funksion konsiderohet si dëshmi e profesionalizmit, përkushtimit dhe respektit që ajo gëzon në qarqet juridike dhe avokatore në nivel shtetëror.

Sipas informacioneve nga Kuvendi, Hamdije Ademi Tafa është shqiptarja e vetme e zgjedhur në këtë organ republikan të Dhomës së Avokatëve.

Në kuadër të Kuvendit u diskutua edhe për aktivitetet dhe funksionimin e avokatisë në vend, ndërsa zgjedhjet u vlerësuan si pjesë e procesit të riorganizimit dhe avancimit të institucionit në nivel shtetëror