Klubi Atletik “Uskana” ka arritur një sukses të madh në Kupën e Maqedonisë për Seniorë 2026, ku atleti Muxhahid Mislimi u shpall kampion në disiplinën 5000 metra, duke realizuar kohë fantastike prej 15:24.69.

Sipas klubit, bëhet fjalë për një nga garat më të forta në dy dekadat e fundit, si për nga rezultatet e arritura, ashtu edhe për dramatikën e finishit dhe sprintin vendimtar për fitore.

Muxhahid Mislimi arriti rekord personal në këtë disiplinë, ndërsa statistikat e garës dëshmojnë nivelin e lartë të konkurrencës:

• Rezultati më i mirë në 5000 metra në rreth 20 vitet e fundit – 15:24.69
• 200 metrat e fundit i përfundoi për vetëm 29.4 sekonda
• 100 metrat e fundit për 13.7 sekonda
• Katër atletë përfunduan garën nën 16 minuta

Nga AK Uskana u shpreh krenari për paraqitjen dhe shpirtin luftarak të atletit, duke e vlerësuar këtë sukses si një moment të rëndësishëm për klubin dhe atletikën në Kërçovë.

Urime kampionit për këtë arritje të jashtëzakonshme!