Me një program të pasur kulturoro-artistik, Shkolla Fillore “Rexhë Rushit Zajazi” në fshatin Zajaz shënoi ditën e shkollës.
Manifestimi nisi me fjalën përshëndetëse të drejtorit të shkollës, Naser Ismaili , i cili pasi u uroi mirëseardhje të pranishmëve foli për rëndësinë e kësaj dite.

I pranishëm në shënimin e ditës së SHF “Rexhë Rushit Zajazi" ishte edhe Kjemal Çallaku nga Republika e Kosovës, të cilit ju nda mirënjohje.

Më pas, vëmendjen e të pranishmive e  tërhoqën nxënësit me pikat e tyre artistike.

Në kuadër të manifestimit, u  ndanë mirënjohje për arsimtarët të cilët kanë dalë në pension , për nxënësit dhe arsimtarët që kanë arritur rezultate të dalluara gjatë këtij viti shkollor. Po ashtu, mirënjohje u ndanë edhe për kontribuuesit që kanë ndihmuar në zhvillimin dhe përmirësimin e kushteve mësimore në këtë institucion arsimor.