Në programin special “Prag Eurovision”, kushtuar atmosferës dhe emocioneve të Eurovision Song Contest 2026, e ftuar në studio ishte drejtoresha e Orkestrës së RTSH-së, Blerta Ristani.

Gjatë intervistës, Ristani u shpreh optimiste për këngën shqiptare në Eurovision 2026, duke theksuar se interpretimi emocional dhe sinqeriteti i artistit Alisi janë elementët që mund ta çojnë Shqipërinë drejt majave të konkursit.

Sipas Ristanit, çdo element i projektit muzikor është kuruar me kujdes, nga teksti dhe muzika, deri te interpretimi i këngëtarit. Ajo vlerësoi veçanërisht autenticitetin e Alisit në skenë, duke theksuar se publiku e ndien menjëherë kur një artist është i vërtetë dhe i sinqertë.

Recently Spotted Asteroid Set for Near Miss With EarthKeep Watching

“Po ndoshta është thënë dhe stërthënë nga shumë njerëz, jo vetëm nga dashamirësit e kësaj lloj muzike, sepse çdo zhanër ka publikun e vet. Por unë, si muzikante, mendoj që kjo është një nga këngët që do të godasë vërtet majat.

Unë gjithmonë kam menduar që ne mund ta kishim fituar vendin e parë në Eurovision Song Contest ndër vite. Sepse kemi zënë vende shumë dinjitoze. Për këngën kam një perceptim shumë emocional, sepse struktura e saj është një baladë në tonalitet minor. Kur një këngë është në tonalitet minor, ajo përcjell një ndjeshmëri shumë të madhe. Për ne muzikantët, “re minori” do të thotë emocion dhe drithërimë.

Të gjithë parametrat e këngës, teksti, muzika dhe interpretimi i këngëtarit janë kuruar me shumë kujdes, hap pas hapi. Unë e kam dëgjuar ndër të parat gjatë selektimeve dhe më ka emocionuar menjëherë; vazhdon të më emocionojë edhe sot.

Pse më emocionon? Sepse mënyra se si këndon Alisi është jashtëzakonisht emocionuese dhe e sinqertë. Ne e dimë që skena ka nevojë për elementë madhështorë, por duhet të kemi gjithmonë parasysh se sinqeriteti në interpretim fiton dashurinë e publikut. Audienca e kupton menjëherë kur je i vërtetë dhe autentik, jo vetëm në muzikë, por në çdo fushë. Një lojë origjinale e shprehur me sinqeritet është diçka fantastike dhe kuptohet menjëherë.

Përveç kësaj, kënga trajton një tematikë shumë të ndjeshme, gjë që i jep edhe më shumë vlerë. Kur pashë provat sot, më pëlqeu jashtëzakonisht shumë e gjithë performanca. Muzika dhe teksti janë ndërthurur shumë mirë. Ndoshta muzika ka një strukturë të thjeshtë, por fjalët janë të theksuara në mënyrë të tillë që marrin një peshë shumë të madhe brenda saj.

Edhe përdorimi i gegërishtes i jep këngës një cilësi të veçantë. Mbi të gjitha, Alisi është një këngëtar shumë i afirmuar dhe unë do të doja shumë që artistë të tillë të dilnin nga formatet që kanë pasur sukses”, u shpreh Ristani.

Ristani vlerësoi gjithashtu tematikën e ndjeshme të këngës dhe përdorimin e gegërishtes, që sipas saj i jep projektit një identitet dhe cilësi të veçantë artistike. Ajo u ndal edhe te performanca skenike, për të cilën tha se ishte ndërthurur në mënyrë harmonike me muzikën dhe tekstin.

Në fund, drejtoresha e Orkestrës së RTSH-së u shpreh se dëshiron të shohë më shumë artistë të afirmuar si Alisi të dalin nga formatet muzikore të suksesshme shqiptare.

“Sinqeriteti në interpretim mbledh një audiencë të madhe, ose më saktë, fiton dashurinë e publikut. Audienca e kupton menjëherë kur je i vërtetë dhe absolutisht i sinqertë, jo vetëm në këtë fushë, por kudo. Një interpretim origjinal, i shprehur me sinqeritet, është diçka fantastike dhe perceptohet menjëherë. Përveç kësaj, kënga trajton një tematikë shumë të ndjeshme, gjë që i ka dhënë një vlerë të madhe. Kur pashë provat sot, më pëlqeu jashtëzakonisht shumë e gjithë performanca. Muzika dhe teksti janë ndërthurur shumë bukur me njëra-tjetrën. Ndoshta muzika ka një strukturë të thjeshtë, por mënyra se si janë theksuar fjalët brenda strukturës muzikore u jep atyre një peshë shumë të madhe.

Edhe përdorimi i gegërishtes ia shton cilësinë këngës. Mbi të gjitha, Alisi është një këngëtar shumë i afirmuar dhe unë do të doja shumë që artistë të tillë të dilnin nga formate që kanë pasur sukses”, tha ajo.