Me vendim të Qeverisë së Republikës së Maqedonisë së Veriut, Zhaneta Milanovska Petreska është emëruar Avokate Shteti në Kërçovë. Ajo për më shumë se 10 vite ka ushtruar profesionin e avokates në Kërçovë, ndërsa politikisht ka qenë pjesë e VMRO-DPMNE-së.

Në zgjedhjet e fundit lokale, Milanovska Petreska ishte bartëse e listës së këshilltarëve nga radhët e VMRO-DPMNE-së dhe fitoi mandat këshilltareje në Këshillin Komunal të Kërçovës. Edhe pse lista e udhëhequr nga ajo fitoi më shumë mandate, ajo hoqi dorë nga pozita e kryeses së Këshillit Komunal, ndërsa sipas marrëveshjeve të koalicionit, vendi iu takua një këshilltari nga koalicioni VLEN.

Megjithatë, emërimi i saj si Avokate Shteti ka ngritur reagime dhe pikëpyetje, sidomos tek përfaqësuesit e partive politike shqiptare, lidhur me atë se sa ato mbrojnë interesat e shqiptarëve dhe sa respektohet parimi i përfaqësimit adekuat dhe të drejtë në institucionet shtetërore në një komunë ku shqiptarët përbëjnë shumicën e popullsisë.

Kujtojmë se në shpalljen publike nr. 12/2026 për emërimin e një Avokati të Shtetit në Kërçovë, thuhej qartë se gjatë përzgjedhjes “Qeveria e Republikës së Maqedonisë së Veriut do ta ketë parasysh përfaqësimin adekuat dhe të drejtë të qytetarëve që u përkasin të gjitha bashkësive”.

Megjithatë, sipas të dhënave aktuale, në këtë institucion tashmë do të ketë tre avokatë shtetëror edhe atë Stanko Kitanoski, Elena Mitrajçeska dhe Zhaneta Milanovska Petreska nga komuniteti maqedonas dhe Nazim Sulejmani I vetëmi avokat  shqiptar edhe pse me ndryshimin e sistematizimit të vitit 2024 ky vend u ka takuar shqiptarëve, porn ë pazaret poltike si çdo her përgaqësuesit  shqiptarë në ekzektuivë tregohen zemër gjërë duke u dhuruar vendet e shqiptarëve maqedoansve, Kjo ka nxitur kritika dhe pyetje publike lidhur me mënyrën se si interpretohet përfaqësimi i drejtë në institucionet shtetërore në Kërçovë por edhe pse kjo sjellje ndaj kërçovës nga përfaqësuesit shqiptarë në ekzekutivë.

Po ashtu, shtrohet edhe pyetja për rolin e përfaqësuesve shqiptarë në Qeveri gjatë këtij procesi vendimmarrës dhe nëse interesat e shqiptarëve të Kërçovës janë mbrojtur në mënyrë të duhur gjatë këtij emërimi,ose kanë bërë pazare për të njejtin post në ndonjë qytet tjetër.