Në një atmosferë të veçantë artistike, mbrëmë në Qendrën për Kulturë në Kërçovë u mbajt koncerti i muzikës klasike kushtuar veprës së kompozitorit të madh Sergej Rachmaninoff. Publiku i pranishëm pati mundësinë të shijojë interpretimin e një nga veprat më të ndjera të repertorit klasik, e sjellë me profesionalizëm dhe emocion nga artistët pjesëmarrës,konkretisht:Shkëlzen Baftiari në piano,Lida Aliu-Alimani në violinë dhe Enis Aliji në violonçelë.
Organizatorja e këtij koncerti Agona Çupi tha se pavarsisht përkrahjes nga ana e Komunës së Kërçovës mjetet nuk kanë qenë të mjaftueshme për të ardhë komplet si orkestër nga Ansambli Nacional Muzikor i Tetovës.Ajo u shpreh e kënaqur me publikun kërçovar.