Presidenti amerikan, Donald Trump, në një intervistë me CBS, konfirmoi se sulmuesi që u përpoq të sulmonte presidentin amerikan në mbrëmjen gala’ të korrespondentëve të shtunën në mbrëmje, kishte marrë pjesë edhe në një protestë ”No Kings” në Kaliforni.

“Ka njerëz që thonë ‘No Kings”, deklaroi Trump.

”Unë nuk jam mbret… nëse do të isha mbret, nuk do të merresha me ty”, i tha ai gazetarit.

Presidenti i SHBA-së, Donald Trump, nuk pësoi lëndime, ndërsa drejtues të tjerë të lartë amerikanë u evakuuan nga darka vjetore e korrespondentëve të Shtëpisë së Bardhë në mbrëmjen e së shtunës, pas një kërcënimi të paqartë që rezultoi me të shtëna arme.

Sipas autoriteteve, incidenti ndodhi jashtë sallës së banketit në hotelin “Washington Hilton”, ku presidenti dhe të ftuarit po prisnin të fillonin aktivitetin.