Kompania e njohur e prodhimeve teknologjike, Apple, nga tani do të ketë një drejtor të ri ekzekutiv dhe ai është John Ternus.

Ternus, një inxhinier mekanik, ka punuar në kompani që nga viti 2001 dhe shërbeu si Zëvendëspresident i Lartë për inxhinierinë e pajisjeve. Punonjësit në kompani thuhet se e pëlqejnë shumë. Ai është vendimtar, i fokusuar, një bashkëpunëtor i mirë dhe është i njohur për ngritjen e tij mbi dramën e brendshme që e ka ‘pllakosur’ Apple në vitet e para.

Ai ka mbikëqyrur gjithashtu një numër produktesh ikonike dhe ripërtëritjesh harduerike në kompani:

Ternus ishte një nga drejtuesit që ndihmoi në zhvillimin e AirPods dhe lehtësoi kalimin e kompjuterëve Mac në përdorimin e çipave të vetë Apple.

Ai nxiti prodhimin e MacBook Neo, laptopin më të lirë dhe shumëngjyrësh, që Apple lançoi muajin e kaluar, i cili u shit pothuajse menjëherë).

Ternus thuhet se riorganizoi departamentin e inxhinierisë së harduerit të kompanisë në fillim të këtij muaji për ta përgatitur atë për zhvillim më të shpejtë të produkteve të IA-së.

Tanimë, Apple u ka vënë syrin lançimeve të mëdha të mundësuara nga inteligjenca artificiale: një Siri më shumë si chatbot, pajisje inteligjente për shtëpinë, por edhe shumë ide të tjera që mund të prezantohen gjatë drejtimit të kompanisë nga Ternus./CNA