Një gropë e madhe e hapur në mes të rrugës lokale që lidh fshatin Tuhin me fshatin Kaleshe vazhdon të mbetet e parregulluar prej një kohe të gjatë, duke u kthyer në një problem serioz për banorët e zonës.
Gjendja e rrugës jo vetëm që vështirëson qarkullimin e automjeteve, por paraqet edhe rrezik të drejtpërdrejtë për sigurinë e qytetarëve që e frekuentojnë çdo ditë këtë aks rrugor.
Banorët apelojnë për ndërhyrje urgjente nga institucionet përkatëse, duke theksuar se kjo është e vetmja rrugë nëpër të cilën kalojnë dhe mungesa e një alternative e bën situatën edhe më të rëndë. Ata kërkojnë rregullimin sa më të shpejtë të rrugës për të shmangur pasojat e mundshme.