Mbi një mijë studentë shqiptarë protestuan sot në Shkup duke kërkuar që të respektohet Kushtetuta dhe e drejta e tyre për të dhënë provimin e jurisprudencës edhe në gjuhën shqipe krahas asaj maqedonase. Marshi filloi para Urës së Gurit dhe mbaroi para Ministrisë së Drejtësisë. Ata kërkojnë drejtësi për studentët dhe dorëheqje nga ministri i Drejtësisë, Igor Fillkov i cili ua mohon të drejtën e garanatuar me ligj, shkruan Portalb.mk.

13:40 – Protesta mbaroi.

13:25 – Njëri nga organizatorët e protestës, Mevlan Ademi tha se studentët nuk do të dorëzohen deri sa të ketë drejtësi për ata sepse “nuk ka barazi pa gjuhën shqipe”.

Besar Sejdiu tha se studentët kërkojnë zbatimin e Kushtetutës dhe ligjeve.

Besjan Rexhepi tha se protesta nuk është kundër askujt, por, thirrje për respekt ndaj drejësisë.

Jon Selimi tha mos ua mohojnë studentëve shqiptar të drejtat e garantuara me ligj.

13:20 – Marshi ariti para Ministrisë së Drejtësisë. Dorëheqje kërkohet nga ministri. “Mos rri në dritare ministër” bërtasin ata.

13:15  – Numri i studentëve është rritur. Kërkojnë të drejtën e tyre për të folur shqip. Ata u nisën drejt Ministrisë së Drejtësisë, duan dorëheqje nga ministri i djejtësisë, Igor Filkov.