Mbi një mijë studentë e nisën marshin para Urës së Gurit në Shkup për të protestuar që u mohohet e drejta e tyre për të dhënë provimin e jurisprudencës edhe në gjuhën shqipe krahas asaj maqedonase, raporton Portalb.mk. Ata kërkojnë drejtësi për studentët dhe dorëheqje nga ministri i drejtësisë, shkruan Portalb.mk.
13:25 – Njëri nga organizatorët e protestës, Mevlan Ademi tha se studentët nuk do të dorëzohen deri sa të ketë drejtësi për ata sepse “nuk ka barazi pa gjuhën shqipe”.
13:20 – Marshi ariti para Ministrisë së Drejtësisë. Dorëheqje kërkohet nga ministri. “Mos rri në dritare ministër” bërtasin ata.
13:15 – Numri i studentëve është rritur. Kërkojnë të drejtën e tyre për të folur shqip. Ata u nisën drejt Ministrisë së Drejtësisë, duan dorëheqje nga ministri i djejtësisë, Igor Filkov.
