Pas publikmit të lajmit në Tv Uskana se sekretari i përgjithshëm i Kryqit të Kuq në Maqedoninë e Veriut, Sait Saiti, i cili gjatë ceremonisë së përurimit të objektit të ri të Kryqit të Kuq në Kërçovë, pasi foli disa minuta në gjuhën maqedonase, por më pas nuk vazhdoi me një adresim edhe në gjuhën shqipe, me arsyetimin për të mos marrë shumë kohë, ndonëse koha nuk ishte e kufizuar dhe në mesin e të pranishmëve kishte një numër të madh shqiptarësh, nëpërmjet një postimi në Facebook ka reaguar sekretari i Kryqit të Kuq në Kërçovë, Besnik Selimi, ku sipas tij mbrojtja e gjuhës shqipe dhe informimi i drejtë i qytetarëve për qasjen ndaj gjuhës shqipe na qenka turp.

I nderuar sekretar Besnik Selimi, të rikujtojmë se Tv Uskana një ditë më parë raportoi për inaugurimin e objektit të ri në Kërçovë dhe kjo ju demanton juve se në asnjë moment Tv Uskana nuk ka për qëllim të zbehë rëndësinë e inaugurimit të objektit të ri si një ngjarje e madhe për qytetin dhe për vetë institucionin.

Përkundrazi, ky moment është trajtuar dhe pasqyruar në mënyrë të plotë dhe në mënyrë profesionale nga ana jonë, përfshirë raportimin në të dy gjuhët shqip dhe maqedonisht. Por nga ana tjetër duhet të mësoheni dhe të dini që në ngjarjet publike dhe në institucione publike ka edhe kritika për t’u përmirësuar, si rasti i sekretarit që quajti fjalimin në shqip humbje kohe.

Në qoftë se ju i detyroheni për bashkëpunime apo edhe për arsye pozite, ne nuk kemi obligime të tilla, por kemi obligim të pasqyrojmë të vërtetën. Do ishte mirë që ju të flitnit për anashkalimin e gjuhës shqipe, me të cilën Iofendoj shqiptarët në Kërçovë, por edhe juve si shqiptarë apo edhe organizator.

Në qoftë se dikush e ka mashtruar se në Kërçovë mund të sillet si të dëshirojë se s’ka kush reagon, ka gënjyer atë dhe veten e tij, sepse  Kërçova ka pasur, ka dhe do ketë prej tyre që do mbrojnë gjuhën, kulturën, flamurin , traditat dhe simbolet tona në përgjithësi. Jo çdo kush shikon kolltukun dhe nuk don tja di për këto çështje kaq të ndjeshme.

Për pjesën ku flitni se ai e ka ngritur në piedestalin më të lartë në nivel ndërkombëtar, me siguri paguhet dhe nuk e bën pa pagesë; në qoftë se e bën në mënyrë vullnetare i themi i lumtë. Ndërmarrjet që kanë punuar dhe kontribuar aty janë më shumë me pronar shqiptar dhe nuk mendoj se I nderuat, ose më konkretisht sekretari i Kryqit të Kuq, Sait Saiti, kur tha se qenka me rëndësi, gjuha shqipe.

Dhe në fund, turp për ata të cilët lënë pas dore gjuhën e nënës dhe zgjedhin të mos e flasin atë edhe në momente kur përfaqësojnë publikun dhe institucionet.

Tv Uskana do të vazhdojë të raportojë me përgjegjësi, duke vlerësuar sukseset, por edhe duke vënë në pah gabimet, sepse vetëm kështu ndërtohet një shoqëri më e drejtë dhe më e përgjegjshme.