YouTube ka arritur një marrëveshje historike me FIFA për të transmetuar ndeshjet e Kupës së Botës drejtpërdrejt (live), një zhvillim që mund të ndryshojë mënyrën se si miliona tifozë ndjekin futbollin global. Marrëveshja synon të sjellë ndeshjet e FIFA World Cup më afër audiencës digjitale, duke i bërë ato të aksesueshme përmes platformës më të madhe të videove në botë. Ky është një hap i madh drejt transmetimit online, duke sfiduar televizionet tradicionale që historikisht kanë mbajtur të drejtat e eventit.

Ekspertët e medias e konsiderojnë këtë si një moment kyç për industrinë e sportit dhe transmetimit, pasi kombinon futbollin, sportin më të ndjekur në botë, me një platformë që ka miliarda përdorues aktivë. Marrëveshja pritet të sjellë edhe forma të reja ndërveprimi për shikuesit, si komente live, përmbajtje shtesë dhe akses më të lehtë global. Megjithatë, ende nuk janë bërë publike të gjitha detajet e marrëveshjes, përfshirë nëse transmetimi do të jetë falas apo me pagesë në disa rajone. Ky zhvillim tregon një trend të qartë: kalimin e sporteve të mëdha nga televizionet tradicionale drejt platformave digjitale, duke ndryshuar përfundimisht mënyrën si përjetohet futbolli nga tifozët në mbarë botën.

Ndërkaq, Federata Iraniane e Futbollit bëri një përpjekje për të hapur bisedime me FIFA për të transferuar ndeshjet e kombëtares së saj të Botërorit të kësaj vere në Meksikë, ndërkohë që sipas programit fillestar, këto sfida janë parashikuar të zhvilloheshin në tokë amerikane. Dhe shkak janë tensionet gjeopolitike në Lindjen e Mesme. Megjithatë, FIFA e hodhi poshtë këtë mundësi.Pozicionin e Teheranit e bëri të ditur ambasada iraniane në Meksikë që ka folur për tratativa të tilla; sipas Federatës Iraniane të Futbollit, vendimtare në këtë tentativë për bisedime u bë deklarata e presidentit amerikan Donald Trump për sigurinë e kombëtares së Iranit.