Në organizim të Myftinisë së Kërçovës, mbrëmjen e kaluar në xhaminë e fshatit Tuhin u shënua Nata e Madhe e Kadrit, një nga momentet më të rëndësishme për besimtarët myslimanë.
Në këtë aktivitet morën pjesë një numër i madh besimtarësh, ndërsa në fillim të pranishmit i përshëndeti anëtari i xhamisë, njëherit edhe sekretar i myftinsë Xhemail Ahmeti.

Ndërsa Myftiu i Kërçovës, Qamil Rushiti, pasi përshëndeti të parnishmit  foli për rëndësinë dhe vlerat e kësaj nate të shenjtë.

Më pas, edhe imami Elez Dauti mbajti një fjalim, duke theksuar domethënien e veçantë që ka Nata e Kadrit në jetën shpirtërore të besimtarëve.

Në kuadër të kësaj mbrëmjeje, Myftinia e Kërçovës ndau mirënjohje për imamin Ali Dalipi, i cili doli në pension, si shenjë falënderimi për kontributin e tij shumëvjeçar në shërbim të besimtarëve myslimanë.