Në organizim të SHVL-UÇK-së në fshatin Sellcë të Tetovës u shënua 25-vjetori i fillimit të luftës së Ushtrisë Çlirimtare Kombëtare në vitin 2001 nga Brigada “112 Mujdin Aliu”.
Me këtë rast, komandanti “Qela”, Hazbi Lika, theksoi se çdo vit në këtë vend përkujtohen dëshmorët dhe sakrifica e tyre për lirinë dhe të drejtat e shqiptarëve.

Mesazh para të pranishmëve përcolli edhe komandanti “Beni” nga Kosova, i cili foli për rëndësinë e unitetit dhe respektit ndaj dëshmorëve të luftës.

Të pranishmit patën mundësi të ndjekin edhe një program artistik me motive patriotike, i organizuar në nderim të përvjetorit të fillimit të luftës.
Në këtë ceremoni përkujtimore morën pjesë familjarë të dëshmorëve, veteranë të luftës dhe qytetarë të shumtë. I pranishëm ishte edhe lideri i Bashkimi Demokratik për Integrim, Ali Ahmeti.